Magway ramthen, Salin pengsungah ralhrang council hnuaiih um ralhrang pawl, ralhrang palik pawl le ralhrang Pyu Saw Htee pawl zawh theumi စလင်း-ကံပြား zintluan ahcun hmunramnawr ralhrang pawl rat tikih an him theinak ding hrangah tiih ralhrang thazang 30 rual kilhimnak tuanvo rak latu ding pawl cu hmunkhuar ih rak relhthup cia dingah mawtaw thawn an pok suak cu lamlak ah PDF pawlin May 16 niahkhan mine hmangih an rak donak ah ralhrang thi le hriamtuar an tam thu le ralhrang thi le hriamtuar zat hi fiangfel in theih a si hrih lo tiah theih asi.
Hitum ralhrang pawl rakdo tu pawl hi Minbu District No. 5 Battalion le urban UG Kyar Pauk group pawl tangkhawm ih rak domi a si thu le mipi pawl ralhrang pawl kiangnai ih um lo dingah le ralhrang pawl hrang thazang, ralthuam, ei-in tipawl khal phurh sak hrimhrim lo dingah theihternak an neih thu pawlkhal Minbu District No. 5 Battalion cun an phuang.
