Magway ramthen, Seipphyu peng ralhrang No 21 ralthuam tuahnak zung ihsin pound 250 tlunzuang raldo vanzam hmanding bomb pawl phurh tu ralhrang mawtawpi 13 rual pawl cu dothlengtutangrual pawl in lamlak ah mine hmangih an rak donakah ralhrang 8 thiin, ralhrang mawtawpi 2 khal a siat theh asi tiah Pakokku District No. 19 Battalion ih tuanvoneitu cun a rel.
May 16 le 17 ahkhan ralhrang ralthuam tuahnak zung No, 21 ihsin ralhrang thazang 150 rual thawn ih pok suak Magway, Meiktila, Nay Pyi Taw tipawl ih ralhrang air base ih ret dingmi bomb phur mawtawpi 13 rual pawl cu Saw-Seipphyu zinpi tluanah dothlengtu tangrualpawl in mine hmangih an rak donakah ralhrang 8 thiin, ralhrang mawtawpi 2 khal a siat theh asi tiah theih asi.
Seipphyu peng hrambun ralhrang No, 21 ralthuam tuahnak zung ihsin meithal cerek pawl le Bomb tepawl cu zarhkhat ah voihnih Magway, Meiktila, Nay Pyi Taw tipawl ah cun an kuat lut thei ti asi.
Hitum ralhrang ralthuam phur mawtawpi pawl rak dotu pawl hi Pakokku District No. 19 Battalion le Pakokku District 4 Battalion pawl tangkhawmih rak domi a si thu pawl khal theih asi.
