Magway ramthen, Myin peng Tayetkan khuaih Pyu Saw Htee sakhan cu dothlengtutangrualpawl in an do ih an lak thu le ralhrang mipum 40 lai an kaihngah thu pawl theih asi.
Tayetkan khuaih Pyu Saw Htee sakhan cu May 21 zan nazi 7 hrawngahkhan dothlengtutangrualpawl in an rak do thawkih cutin, athai May 22 sundir nazi 12 ah sakhan cu an lafel thei.
Cule hi ralhrang Pyu Saw Htee sakhan ahhin ralhrang thazang 50 an um thu le sakhan an va do thawk ihsin ralhrang tlunzuang raldo vanzam khal in nasaten a donak lak ihsin ralhrang Pyu Saw Htee sakhan cu an lakfel thu dothlengtu lam hin an rel.
Doawknak ahhin ralhrang tlunzuang raldo cle doawknak hmunram thianfainak cu May 23 ahkhan an neih thu siseh, tuahhin ralhrang pawl cu an lam panih an feh thu pawl khal theih asi.
Cule ralhrang tlunzuang raldo vanzam pawl ih donak ruangah tualsungmipi thenkhat hriamtuar an um thu theih asinan, thuhla fiangfel a um hrih lo ti asi.
Tayatkan khua hi ralhrang Pyu Saw Htee pawl an tam tuk ruangah dothlengtupawl cun Pyu Saw Htee khua tiah an rak kawhmi khuakhal a si hngehnge.
