Sagaing ramthen, Kalay Myo peng letpanchawng, Tingo, Haikhawl khua tipawl ah April thla cem lamahkhan NUG kuthuaiih um ပကဖ pawl le KPS (PDF) pawl cun tualsung mino thenkhat kaitahrat in ralkap tuan dingah an hruai ti asi. Cutin mino an kaihmi pawl cu ralhrang tuan dingah an ti thu le tuan duh lo tu cun mipakhat ah sumfai ting 5 pe in an tlanawk kir sal thu pawl tualsung thuthang hram pawl ihsin theih asi.
Cule sumfai hmangih tlenkiraw tu hi mino mipum 12 lai an um zo tiah theih asi. Cuisin a thawkah kha cun zan nazi pa 9 hnu lam suak vak lo dingah thupek an suah ih, asinan tu ah cun zan nazi 9 kimhlan ih kaih mi khal an nei rero thlangih cuihhnu tualsungmipi cennak innsung tiangah lutin khaikhihnak pawl a um vivo thlang curuangah kan umnak kalay myo bial sungah hin SAC ralhrang le kan tih, an mah le kan tih fawn ziangtin kan um ding ti khal ruahban a si nawn lo. kan mangbang in kan hai zet a si tiah tualsungmi hnenin theih a si.
