Hmunramnawr ralhrang pawl in Falam khawpi an lak hnu, Sagaing ram then, Kalay Myo ih acozah hnatuan c mipum 100 hrawng cu mani May 6 niahkhan Falam khawpi ah an fial luh thu le ralhrangin a timtuahsakmi mawtaw le bike tipawl hmangin an feh tiah theih asi.
Falam khawpi ih thlahmipawl hi General Administration, Municipal Administration, EPC le Media, Thuthang thantu tipawl an si thu khal theih asi.
Cun CB in Falam khawpi lakdonak an rak thawk ihsikhan acozah zung pawlih tuan Non-CDM pawl cu Kalay le Hakha khawpi tipawlah an rak tlanluh thu khal theih asi.
Cule tuahhin Falam pengsungahhin hmunramnawr ralhrang pawl cu an do rero lai, ralhrang hin Falam-Hakha zinpi tluan cu thunun tumin hmunram an nawr peh vivo tlunzuang raldo vanzam khal a hmang nasaih tualsung mipi cennak inn pawl khal a nawk nasat thu pawl khal nitin deuhthaw theih dingkhal a um rero a si.
Falam Remdaihnak Committee cun thuhla 6 ngennak a suah miah, Falam khawpi le Falam khawpi ih ṭhansohnak hrangih hnaṭuan kirsaltu pawl ih cangvaihnak ah ziangvek hriamkai ralkap bur khalin ziangtinhman an hnaihnok lo pei ih, CDM le Non-CDM pawl cu theihthiam sakawknak thawn um sal dingah an ngen thu pawl khal theih asi.
