Ayeyarwady ramthen, ရေကြည် peng မြောက်စမ်း khuaih ralhrang Artillery Battalion-344 cu Arakan Army (AA) le a tanrualpi pawl in kulhbet in an donak ah kaphnih karlak doawknak a nasa zet ti asi.
Arakan Army (AA) le atanrualpi pawl hin ralhrang Artillery Battalion-344 cu May 10 niihsi thawkin an rak nawr thawk, cutin ralhrang thawn nasaten an doawknak ah ralhrang thi hlo le hriamtuar an tam zet tiah ralram thuthanghram cun an rel.
Tumhmaisabik an donakah hin ralhrang Artillery bunkars pawl cu an rak siatsuah theh thei vekin ralhrang sakhan cu lafel dingah an nei rero zo ih, tuihdinhmun ahhin ralhrang Artillery Battalion-344 cu an kulh bet ti asi.
cule ralhrang in ဂွ-ငါးသိုင်းချောင်း zinpitluan cu thunun thei dingah ralhrang Artillery Battalion-344 umnak ah ralhrang thazang tamzet thlah bet in hi hmunram sehvel ih um သီတာ tlangmual le နဂါးရစ် tlangpar pawlah cun ralhrang cu then-aw darh in hmunram an nawr thawk ti asi.
Cutin, hmunramnawr ralhrang pawl le ralhrang Artillery Battalion-344 hmun pawl kulh bet tu AA tangrual pawl cu ralhrang pawl thawn tu le tu nasaten an doawk theu thu le ralhrang hmunramnawr pawl cu a burbur in an tlansiat thu pawl siseh, ralhrang thi le hriamtuar pawl cu ralhrang mawtawpi pawl in ပုသိမ် khawpi lamah thiar in ရွှေမြင်တင် ruang urnak hmunah le ralhrang Pathein Field Medical Battalion မဆရ 4 tipawl ah an kuat thu pawl khal theih asi.
