Magway ram, နတ်မောက် peng sungih hmunramnawr ralhrang pawl cu tumtam mine hmangih an rak donak rero zomi ralhrang pawl cu နတ်မောက်-ရမည်းသင်း peng karlakah dothlengtu pawlin an rak do bet salnak ah ralhrang thi le hriamtuar an tam zet tiah theih asi.
Hmunramnawr ralhrang mawtawpi rual le ke ralhrang pawl cu mani May 14 zinglam nazi 10 hrawngah khan နတ်မောက် ihsin ရမည်းသင်း lampan ih an poksuak sal cu dothlengtu tangrual pawl in mine 5 hmangin an rak do bet salnakah ralhrang pawl an can a se zet thlang siding drone khal an thlah thei nawn lo danah thi le hriamtuar khal an tam an zum thu le ralhrang thi le hriamtuar zat cu felfai zet in an rel thei hrih lo thu pawl theih asi.
Hi hmunramnawr ralhrang pawl hi May 8 ni ihsikhan နတ်မောက် hmunram sungih hmuntintian ah dothlengtu pawl in mine hmangin an rak do rero thu le ralhrang pawl an can a siat vivo ruangah ni reive nawn sung cu ကန်သာ khuaah hmunkhaur in an cawl ti asi. Cutin May 13 ahkhan ဖတ်တောရေ khua an thleng ti asiih, cuihsin ရမည်းသင်း lampan ih hmunramnawr ih an poksal ding cu mine hmangin kan rak do bet sal asi tiah Vishnu People’s Defense Army, Military Command Division cun an phuang thu theih asi.
