Chin ramkulh, Kanpalet khawpi ah mani May 16 zanlam nazi 5:30 hrawngahkhan Kalaymyo ralhrang air force base ih ralhrang tlunzuang raldo vanzam cun bomb 2 a va thlak tiah theih asi.
Ralhrang tlunzuang raldo vanzam bomb thlaknak ruangih tualsungmi thi le hlo hriamtuar siseh, cennak inn siatsuah mipawl a um le umloh cu thufiang zingzawi rero lai a si thu theih asi.
Tualsungmipi pawl theitawk ih ralring zet ih um a tul zia pawl cu simthan awknak pawl khal an neih rero zovekin rampum huap ah ralhrang hin tlunzuang raldo vanzam hmangin doawknak a um simaw umlo simaw bomb a thlak rero thu pawl khal nitin theih ding a um ringring asi.
