Tanintharyi ramthen, Kawhtawng pengsungih PDF 9 thihnak doawknak ih zin hmuhtu le hruaitu ralhrang kutke asimi khawtlang uktu cu Township ပကဖ pawl in May 13 ahkhan an kaih thu le a tlansuah sal ruangah an kahthah lawlaw thu an phuang.
Kawhtawng – နမ္မသွန် lole ပါကလပ် tiih kawhmi zinah PDF pawlin hmunramthianfainak an neih rero laiah အေးမြသာယာ khua ihsin ralhrang in khaw uktu dingih an hrilmi စိုးထိုက် kum 44 mi ih tomi mawtaw cu thu an dawndan vekin an rak khamih an kaih hnu, a mawtaw an check tikah Plastic container sungih retmi PDF pawl ih hruh theumi uniform 10, kedam hruh 3, badges phnunphun 8 le Bulletproof hruhkhat tipawl cu an hmuh thu le ralhrang စကခ 20 umnak ih pek ding an sithu a rel ti asi.
Cule a phone an check saknak khalah ralhrang pawl hnen thuhla a rak thantheunak pawl le ralhrang tulhai poimawh thilri pawl khal a rak bawm theunak pawl siseh, dothlengtupawl a soiselnak pawl tamzet khal hmuhding a um ti asi.
Cuihsin, hi khawtlang uktu dingih an retmi စိုးထိုက် hi kum 2023 March 4 niih PDF pawl thihnak ခမောက်ကြီး peng ဝိုင်ဒင်း khuaih doawknak thu ahkhan ralhrang pawl cu rak bawmin zin khihhmuh ih huaitu asi thu khal amah hin a phuang aw cih ti asi.
Cutiih thusuhnak pawl an neih rero laiah daileng inn feh duh thu suanlam in a kut khatlam cu hri in khihsak in PDF ralkap pakhat cun a thlun thu le talsuak ih a tlansuak cu an kap ih a thihcih thu Kawthaung Township Public Protection Team cun an phaung.
