Magway ramthen, ရေစကြို peng ah တောင်အို ralhrang check gate ih ralhrang 7 pawl cu phungki tlawng ihsi an tlunglam cu April 30 zinglam nazi 11:25 ahkhan dothlengtu tangrual pawlkom pawl in an rak donak ah ralhrang 7 thiin, meithal zun 5 an lawngngah thu theih asi.
Hitum ralhrang donak ih ralhrang thi pawl hi ralhrang ခလရ ၂၅၈ ih ralhrang 1 le ralhrang palik 6 pawl an si thu theih asi.
Cule ralhrang ralthuam an lawngngah mi pawl cu G3 zun 2, MA3 zun 1, MA13 zun 1, revolver zun 1, G3 cerek bawm 4, MA13 cerek bawm 2, nam 1, Phone 1, taikhap 2 tipawl an si thu khal theih asi.
Cun hitum ralhrang pawl an rak do thawk rual ciah le ralhrang pawlih dunglam ah tualsungmi pakhat cu a rak um ti asi, asinan dothlengtu pawl cun an vun kah zo ruangah kaphnih karlak cu doawk cih asiih, hum man lon cerek in a ngah ih a nunnak a liam asi tiah dothlengtu pawlkom pawl cun an rel thu le Southern Yesagyo le a tanrualpi pawlkom pawl cun lusun innsang hnenah thinlung tak in an tuarpi thu le ngaidam an dil thu pawl Southern YSO PDF cun an phuang.
Cun hi tum ralhrang rak dotupawl hi Southern Yesagyo forces, Southern YSO PDF, Daung Nyi Naung (PKU PDF), Yesagyo Revolution Group (YRG), Daung Sitte, King Cobra, Pyithu Aman PDF, Golden Eagle PDF tipawl tangkhawm ih domi asi thu pawlkhal theih asi.
