မိုးဗြဲ hmunram sungih cangmi dothlengtu hriamkai pawl kah awknak ah မိုးဗြဲ Regional Defense Force ih an Leader အောင်မင်း telin mi 9 pawl thihnak ah Karenni Army aiawhtu mi 9 umnak investigation team din asiih, cuih team cun zingzawinak an neih ding thu Karenni Joint Command leh Karenni Interim Administrative Council (IEC) Defence Department lam cun an phuang.
April 24 ih မိုးဗြဲ hmunram pakhat ih Alpha Alliance leh Moe Bee Local PDF hruaitu Aung Min le cu khat le khat an kahawknak ah Aung Min telin Comrade 9 pawl an thihnak thuah daan vekin ziang thuhla hman zingzawi le cingfelnak an nei lo ti asi.
Curuangah hi thilthlengah hin daan vekin rorelnak dik cang suak theidingah hmalaknak neih tum asiih, Thuthannak cun result hmuhdan ih zirin ṭuanvo laknak le mawhphurhnak pawl tuahsuak dingah hmalaknak an neih ding thu pawl khal theih asi.
Cule Karenni Army Joint Command le IEC Defence Department cun dothlengnak kaihhruaiawknak ih hngetkhoh theinak dingah, mipi kilhimnak, dothlengnak ralkap pawl komkhawmawknak le diknak a rung suah theinak ding hrangah ṭuantlang dingin an ngen thu pawl khal theih asi.
